Radio Breizh 5 radio ar Vro

AN HOLL ABADENNOÙ

Abadenn Ar brezel diwezhañ e Bro-Gerne - Pennad skignet d'ar 23.09.2019

25 munut

Ar brezel diwezhañ e Bro-Gerne #4 An STO, ar bombardamanchoù ha deportiñ ar Juifed

Ur skritell evit an STOUr skritell evit an STO

Pennad-komz kaset da benn gant : Benjamin Bouard

Bloavezh 1942. Okupet eo Breizh gant an Almañted. Med mont a ra fall an traoù evito etramek ar reter : n'int ket deuet a-benn da vezañ trec'h d'an URSS ha neuze tout ar baotred yaouank a zo bet kaset d'en em gannañ. Ne chom ket labourerien a-walc'h en uzinoù ha setu 'oa graet o soñj gant an Almañted da gas labourerien all da gemer o flas. An STO 'oa bet graet deus an dra-mañ : Service du Travail Obligatoire.
Asambles gant an dra-mañ 'oa komañset an Trede Reich da zeportiñ ar Juifed. E Breizh amañ-giz ne oant ket kalz a-raok ar brezel, met lod a oa bet oc'h en em guzhañ er vro. Stert 'oa ar vuhez amañ koulskoude hag ouzhpenn 'veze bombardet ar vro ingal-tre gant an Amerikaned hag an Añglichen.