Radio Breizh 4 radio ar Vro

ROLL KLOK ABADENNOŁ RADIO BRO GWENED

a ginnig deoc'h

Sinema

Kaset da benn get Jean-Claude ar Ruyet.
Sell un den a sevenadur, displeget brav ha distaget fraezh, da reiń deomp ali ha sklerijenn ąr ar filmoł nevez da welet er salioł. Un digarez da brederiań ivez. Bep sizhun, ur gronikenn da selaou hag ar skrid da heul.

6 munut

Abadenn diwezhań 07.06.2018

Tout le monde debout

Ur film sevenet gant : Franck Dubosc (2018).
Gant : Franck Dubosc, Alexandra Lamy, Elsa Zylberstein (1e47).

Gelliń a ra an arvesterion en em c'houlenn pezh film a c'hell boud savet gant un den nad eo ket ober gant ar c'hamera e zouar-gwinizh. Nevez so nawazh e oamp bet sourprenet, ha braw, gant an taol kąer sevenet gant Albert Dupontel gant e film Au revoir lą-haut.

Setu ur fentigeller arall é c'hoari gant e gamera ive : Franck Dubosc, daet ur film braw a-walc'h gantań ive : Tout le monde debout ! Anavoud a raomp mousfent Franck Dubosc, pa c'hoari ar foeńvour par ma c'hell, pabor hag a anav peb tra, merc'hetaer touet, fier ha faro, ha liez tapet ive d'e dro, rag tro-dro dezhań ne vez ket an dud sod ataw.

Amań e kavomp ar memez den, rag Franck Dubosc an heni eo a c'hoari Jocelyn, ur penn embregerezh, ataw merc'hetaer touet, un den na'n deus ket mezh da livań gevier evid doned da benn a amoediń ar plac'hed. Etre fars ha bourd e laka ar sevener e ide da zisklosań heb skuizhań an arvesterion, rag ouzhpenn 80% anezhe o deus karet ar film, sańset.

C'hoarzhed a raomp evel-just, mez mantret omp ive pa welomp an den moned beteg strad ar vouilhenn a-gaoz d'e c'hevier. Rag n'hell ket ar Jocelyn-se parraad a lāred gevier, ha pikoloł gevier, pas c'hoari. Beteg moned re bell gante, beteg kouezhel en hent-dall. Setu aze danvez ar film : gweled a raomp un den gant e akustumańs boud c'hoarļet gant e fallbleg.

Goude marw e vamm e oa bet Jocelyn beteg ranndi honnezh, evid adtapoud marse diwezhań sońjoł e vugaleaj. Ha du-se e ra anavoudegezh gant e amezegez (e voazinez), ur fulenn a blac'h. Siwazh evitań, pa za ar plac'h-se e darempred gantań ema azezet e kadoer rodeg e vamm, ha krediń a ra ar vaouez yaouank ema handikapet ive... ha ne gred ket an den dizlāred diouzhtu. Setu penaoz en em gav Jocelyn gant un hent riskluz-braz. Rag goude boud graet anaoudegezh gant ar plac'h-se, honnań a brezant he c'hoar dezhań, ha hi en ur gadoer rodeg ive, mez maleuruzamant eviti, n'eo ket evid farsal. Ha ne gred ket Jocelyn lāred ar wirionez dirag an oll.

Penaoz tennań a-dreńv bremań, pand eo waet ken pell-se ? Daoust ma wel splann a-walc'h pegen sod ema e fesonoł, daoust m'ema e vignoned é lāred dezhań distroiń d'ar wirionez an abretań ar gwellań, ne gav ket ennań trawalc'h a galonegezh evid talań douzh ar gaou spontuz en deus lāret. Ha diskenn a ra en toull, pazenn ha pazenn, ha deval a ra en ifern en deus kroueet evitań e-hunan gant e gomzoł dibouell. Ne wel ket mui penaoz distroiń d'ar realded heb koll e hanw mad. Etre daou sońj ema : petra ' vo ar c'houstusań evitań, doned a-dreńv, da lāred eo disklaeriań ar wirionez ha koll istim an dud tro-dro dezhań pe derc'hel da voned gant e hent dall ?

Daoust d'ar re henn kar hag a ra o seizh gwellań evid roiń dorn dezhań e fońs ar puńs, e talc'h da blantań kaol ar faosoni, rannet ha frailhet e ene rag gweled a ra ar briz a vo da baeań emberr. Ur film etre noz ha deiz eo enta, farsuz meur a skenenn ennań mez siriuz-braz ive pa ziskouez an handikap hag e lec'h er gevredigezh. Plijuz eo gweled Alexandra Lamy hag Elsa Zylberstein, daou bortred a vaouezi dalc'het gant o c'hoantoł hag o foanioł, poanioł-korf ha poanioł-spered.

N'eo ket ar gevier traoł dibaot. En-dro dimp e vleuńvont hańv-gouiańv, beteg penn uhellań ar gevredigezh, er broioł estren kement hag er vro-mań, en endro pell kement hag en endro tost. Ennimp marse, kit da ouied... N'eo ket gwir ?