Radio Breizh 5 radio ar Vro

ROLL KLOK ABADENNOÙ RADIO BRO GWENED

a ginnig deoc'h

Pikous Dibikous

Pikous Dibikous

10 munut

Abadenn diwezhañ 30.03.2020

Al lip zo mat ! Klafouti bananez chokolad

Gant : Nolwenn Falezan

Al lip zo mat ! Kronikenn keginañ evit an dud konfinet ! Bep sizhun e vo kinniget deoc'h rekipe ur meuz bennaket da fardañ buan hag aes ! Hudu e vo graet ur c'hlafouti gant bananez ha chokolad, gant sikour Nolwenn deus Pederneg !

Klafouti per chokolad (met hep per ha gant bananez)
200 gramm chokolad - 2 berenn (pe 2 vananezenn) - 1/4 litrad laezh - 3 u - 75 gramm sukr - 50 gramm bleud - 1 meudad holen - amann evit lardañ ar plad.

1. Tommañ ar forn 200°C (Th 6).
2. Lakaat ar chokolad da deuziñ mod « bain-marie ».
3. Torriñ an uioù ha meskañ anezhe gant ar chokolad, lakaat ar sukr ha meskañ en-dro, memes mod evit ar bleud hag evit achuiñ gant al laezh. Ouzphennañ ur meudad holen ha meskañ en-dro.
4. Lakaat ar meskaj e-barzh ur plad lardet gant amann. Troc'hañ ar frouezh a-dammoù ha sklapañ anezhe un tammig pep lec'h b'ar plad.
5. Lakaat da boazhañ 20/25 munutenn.