Radio Bertégne Le portale des radios en berton e en galo

TOUTES LES EMISSIONS

Emission An divskouarn o nijal - Pâssée donée le 15.02.2020

45 minutes

Radioioù kevredigezhel Naoned o deus skignet brezhoneg !

O : Yves Averty, Bleuenn Raynaudon-Kerzhero, Hoel Mahé

Pâssée menée o : Ar skipailhad

Kalzig a radioioù kevredigezhel a zo pe a zo bet e Naoned ! Ha n'eo ket bet gortozet krouadur Radio Naoned evit skignañ brezhoneg war gwagennoù kêr Anna Vreizh.
Yves Averty 'neus bet tro da labourat e radioioù morlaer koulz hag e radioioù kevredigezhel hag a zo bev c'hoazh an deiz a hiziv. Kontañ a ra deomp e avañturioù e Radio Libre 44, CFM 94.8, Turbulence FM, PRUN, Radio Atlantique, Radio Sud Loire, Jet FM hag Alternantes FM.
Klevet e vo ivez Bleuenn Raynaudon-Kerzhero ha Hoel Mahé. Int a splujo en o eñvorennoù don p'o doa lusket abadenn Kazh-Gwenn e fin ar bloavezhioù 1990. Bugale skol Diwan Naoned e oant pa oa bet sevennet un heuliad abadennoù war Jet FM, asambles gant o c'helenner Jerald Ar Go.