Radio Bertégne Le portale des radios en berton e en galo

TOUTES LES EMISSIONS

Emission Reportajoù Keleier ar Vro - Pâssée donée le 02.07.2020

2 minutes

An tañva d'ar brezhoneg n'o ur bloavezh tenn-anal

O : Margaux ar Wern, Herve Naotrou

Pâssée menée o : Tunvezh Gwlagen

Ur vanifestadeg zo bet dec'h dirag Ensellerezh Akademek Penn-ar-Bed e Kemper. En arvar 'mañ ar c'hentelioù tañva d'ar brezhoneg er skolioù kentañ derez. Un eurvezh vrezhoneg a c'hell ar vugale kaout er sizhun, diwar c'houl ar skolaer pe ar skolaerez. Ar sistem kinnig brezhoneg d'ar vugale a zo diazezet war un emglev etre tri stroll : departamant Penn-ar-Bed, an Deskadurezh Stad, hag ar c'hevredigezhioù kelenn brezhoneg. Peder zo deuhouto: Sked, KLT, an Oaled, ha Mervent.
Ur chant hanterkant den a voe deuet e kemper dec'h neuze, da souten Implijidi ar peder kevredigezh, p'emañ o implijoù en dañjer. Ur cheñchamant statud a zo ar riskl degouezhout d'an eurvezh tañva d'ar brezhoneg, hag a lakfe ar skolaerien da napas lakaat anezhi e plas ken alies evel ma ra evit poent.
Displegadennoù da c'houzout pelloc'h gant Margaux ar Wern, stummerezh evit ar gevredigezh Mervent.

Pezh a fell d'ar c'hevredigezhioù hag a ginnig prantadoù tañva d'ar brezhoneg er skolioù eo er c'hontrol ma vo hollekaet anezho d'an holl skolioù, evit da holl vugale Penn-ar-Bed kaout ul liamm gant ar yezh. Stabilaat a rafe plas ar brezhoneg er sizhunvezh skol war ar memes tro.