Radio Breizh 5 radio ar Vro

AN HOLL ABADENNOÙ

a ginnig deoc'h

Rodeier

Rodeier

Rodeier. Un abadenn evit ober anaoudegezh gant re ar vro ha selaou anezho. Bep sizhun 'yeomp d'en em gavout asambles gant brezhonegerien ha brezhonegerezed eus ar vro, evit dezho kontañ deomp deus o micher, deus o bro ha deus o buhez.
Bep Lun ha bep Sadorn da 12e ha da 6e noz, gant Benjamin Bouard.

45 munut

Abadenn diwezhañ 20.09.2021

Lulu (Foto : Le Télégramme)Lulu (Foto : Le Télégramme)

Lulu, ur vuhez e Bro-Fouen

Mouezh Lucienne Moisan 'peus bet klevet sur a-walc'h gant Radio Kerne dija, a-benn 'oamp bet o pourmen ganti er C'hap-Kozh pe e koad Penfoulig un nebeut bloavezhioù 'zo. Met Lulu, e-giz 'vez leshañvet er vro, 'deus ket bet digarez morse da safaret deomp deus he buhez. Ha koulskoude 'zo ur bern traoù da lâret ! E brezhoneg 'oa bet savet gant he zud, e-lec'h ar vugale all ne veze ken desket galleg dezho a-benn neuze. Hag atô eo bet troet deus an natur, ha setu warlerc'h ar skol 'oa graet he soñj ganti da vont da heñchourez-natur ... hag eo bet an hini gentañ er Frañs ! Benjamin Bouard zo bet oc'h en em gavout asambles ganti e Fouen, e-lec'h m'emañ o chom evit ar wech.