Radio Breizh 5 radio ar Vro

AN HOLL ABADENNOÙ

Abadenn Reportajoù Keleier ar Vro - Pennad skignet d'ar 01.03.2021

2 vunud

Disadorn e voe kerzhet war hent Tro Breizh.

Gant : Per Jourdren, Saig Jestin

Pennad-komz kaset da benn gant : Tunvezh Gwlagen

Ispisial voe Tro Breiz ar bloaz-mañ : n'eo ket war ur sizhunvezh e pad an hañv e oa bet lakaet an emgav da vale war hent ar Seiz Sant, mez e pad ar goañv, war un devezh nemetken. Ar birc'hirinded-mañ a oa bet roet lañs dezhañ en dro kazi tregont vloaz 'zo. Evel ma oa graet gant kristenien vreton ar Grenn-Amzer, e vez hiriv an deiz graet tro eskoptioù ar vro, da rentañ enor d'ar 7 sant a vez lâret o deus krouet Breizh : Kaourintin e Kemper, Paol e Kastel-Paol, Tugdual e Landreger, Brieg e Sant Brieg, Malo e Sant Malo, Sanson e Dol, ha Patern e Gwened. Bep hañvezh e vez bodet boaz betek 2000 den, da vale e pad ur sizhunvezh war hent an droiad braz. Ar bloaz-mañ padal, gant ar muzulioù da wareziñ an dud deus ar c'hleñved-red, eo bet soñjet an traoù en ur mod all. Pêr Jourdren a rae war dro ar vodadeg disadorn...

Bep sadornvezh diwezhañ ar miz e vo bodet ar birc'hirined a faot dezho ober ul lodenn deus Tro Breizh. Ar wezh kentañ, e fin miz Meurzh neuze, e vo aozet un droiad e Breizh Uhel, deus kostez Manati Beaufort, e bro Zol.