Radio Breizh 5 radio ar Vro

AN HOLL ABADENNOÙ

Abadenn Rodeier - Pennad skignet d'ar 20.09.2021

45 munut

Lulu, ur vuhez e Bro-Fouen

Lulu (Foto : Le Télégramme)Lulu (Foto : Le Télégramme)

Pennad-komz kaset da benn gant : Benjamin Bouard

Mouezh Lucienne Moisan 'peus bet klevet sur a-walc'h gant Radio Kerne dija, a-benn 'oamp bet o pourmen ganti er C'hap-Kozh pe e koad Penfoulig un nebeut bloavezhioù 'zo. Met Lulu, e-giz 'vez leshañvet er vro, 'deus ket bet digarez morse da safaret deomp deus he buhez. Ha koulskoude 'zo ur bern traoù da lâret ! E brezhoneg 'oa bet savet gant he zud, e-lec'h ar vugale all ne veze ken desket galleg dezho a-benn neuze. Hag atô eo bet troet deus an natur, ha setu warlerc'h ar skol 'oa graet he soñj ganti da vont da heñchourez-natur ... hag eo bet an hini gentañ er Frañs ! Benjamin Bouard zo bet oc'h en em gavout asambles ganti e Fouen, e-lec'h m'emañ o chom evit ar wech.