Radio Breizh 5 radio ar Vro

AN HOLL ABADENNOÙ

Abadenn Reportajoù Keleier ar Vro - Pennad skignet d'ar 27.07.2020

3 munut

Tri devezh Gouelioù Meur Kerne

poltred gant an Telegrammpoltred gant an Telegramm

With : Ael-Anna Maze, Clelia Steczuk

Pennad-komz kaset da benn gant : Tunvezh Gwlagen

Gant ar c'hleñved-red, eo bet nullet an holl c'houelioù ha festivalioù evit an hañvezh. E Kemper padal zo bet divizet gant aozerien Gouelioù Meur Kerne da sevel tri devezh abadennoù hag emgavioù tro dro da sevenadur Breizh. Ouzhpenn an dra-se, ne vo ket ar bloaz-mañ anavezet a rouanez nevez. Ael-Anna Maze, Rouanez Kerne 2019, a chom gant he c'harg evit un eil bloavezh.
Disadorn, daoust d'ar glav, ur chant den bennaket deuet da zeskiñ penaos e vez staliet ar c'hoefoù e Kerne Izel, gant Raymond Le Lann. Koefoù peder bro a voe kinniget, bro c'hlazig, bro ar C'hab, bro Gemperle, ha bro an Aven. Ar rouanez hag he dimezelled a voe war al leurenn da skeudenniñ an displegadenn. Ael-Anna Maze a ziskoueze hi ar mod da fichañ koef bro C'hlazig.
Ha goude ar brezegenn war ar c'hoefoù, zo bet dalc'het e Kemper ar genstrivadeg Biniou Herve ar Meur. 10 kouplad o deus sonet an eil re goude ar re all. Tonioù deus Kern Izel a zo e repertouer ar genstrivadeg-se, tonioù bale pe donioù trankiloc'h. 4 kouplad a voe renket er rummad binioù bihan breton. Ar c'houplad William Nikolaz ha Bastien Gevel a zo aet ar maout ganto. Hag er rummad koupladoù binioù braz Skosad eo Goulven Henañ hag Alexis Meunier emañ aet ar maout ganto.