Radio Bertégne Le portale des radios en berton e en galo

'Mod-se 'ma ha 'ma ket mod all

Un eurvezh miks tekno kinniget deoc'h gant djed gwelañ ar bed! Emaint o tont espres kaer evidoc'h selaouerien, eus ar sound system 716 lec'hiet e bro Gerne.
716: E penn kentañ ur strollad mignoned eus Kastell nevez ar Faou ha eus Kemper boaz da gas anezhi bep dibenn sizhun e festoù tekno digoust: "free-parties". Poen bennak o deus divizet prenañ dafar son hag aozan o nozvezhioù dehzo. E 2003 o deus dibabet an anv 716/c'est ainsi. Peogwir emañ mod se ha n'emañ ket mod all.
Tremen a ra ar bloavezhioù, Brasaat a ra skiant prenet al lamponed. Tamm ha tamm e kej ar strollad gant arzourien all, strollegezhioù all... pinvidikoc'h e teu da vezañ an eskemmoù, ar soñjoù, ar muzik.
E 2007, arru skuizh na vefe ket anavezet o arz, war bouez gant ur publik "tekno", e tisidont sevel ur gevredigezh: "C'est ainsi" a zo ganet. Pal ar gevredigezh se zo brudañ ha kas war raok an arzoù elektronek.
E-barzh ar skipailh e kaver tud gant skiantoù prenet liesseurt: Dj'ed, teknisianed ar son, Vj'ed, klinkerien gouelioù...) An holl bodet tro d'ur mennoz hepken: rannañ o muzik gant ar muiañ niver.
N'eo ket peogwir zo ur framm ofisiel ganto emañ 716 o vont da baouez gant ar festoù underground. Ober a reont eus un tu gouelioù free-party, digoust, mod kozh...ha eus an tu all abadennoù diskleriet, aotreet. Dastum a reont arc'hant bep ploaz da skouer evit restoioù ar galon dre an nozvezhioù tekno "écoutes ton coeur" e Kemper. Labourat a reont ivez gant skolioù ar vro war raktresoù diwall an endro.
Setu 716, tud yaouank mennet, brokus ha sot dreist holl gant ar Muzik gant un M bras.

En savair pu fô su l'emission